ALLAMA IQBAL:

نگاہ فقر ميں شان سکندري کيا ہے
خراج کي جو گدا ہو ، وہ قيصري کيا ہے!
بتوں سے تجھ کو اميديں ، خدا سے نوميدي
مجھے بتا تو سہي اور کافري کيا ہے!
فلک نے ان کو عطا کي ہے خواجگي کہ جنھيں
...خبر نہيں روش بندہ پروري کيا ہے
فقط نگاہ سے ہوتا ہے فيصلہ دل کا
نہ ہو نگاہ ميں شوخي تو دلبري کيا ہے
اسي خطا سے عتاب ملوک ہے مجھ پر
کہ جانتا ہوں مآل سکندري کيا ہے
کسے نہيں ہے تمنائے سروري ، ليکن
خودي کي موت ہو جس ميں وہ سروري کيا ہے
خوش آگئي ہے جہاں کو قلندري ميري
وگرنہ شعر مرا کيا ہے ، شاعري کيا ہے